1813an Koruko Andra Maria basilikaren organoa,lapurtu zuten, Zubietako bilerak izan ostean (1813ko irailak 8 eta 9) eta gaztelua errenditu (1813-9-8) ondoren, 8. egunetik aurrera; “aliatuen” lapurreta, Donostian zegoen guztia ostu arte iraun zuen, bi hilabete alegia, iraila eta urria.
Lapurketaren 200. urteurrenaren kontzertua gaur 2013-9-28:
Santa Maria Basilikako hiru organo-jotzaile titularrek kontzertua eskainiko dute irailaren 28an, larunbatean, Cavaillé-Coll organoaren 150 urteak ospatzeko. Loreto Aramendik, Ana Belén Garcíak eta Alize Mendizabalek 20:00etan joko dute Basilikan. Kontzertuaz gain, Basilikako Cavaillé-Coll organoari buruzko aurkezpen multimedia bat egingo da, bere historia, bere barnea eta bere bizitzari buruzkoa.
Organoa Cavaillé-Coll Pariseko etxeari eskatu zitzaion, XIX mendeko Santa Marian zegoen organo zaharra ordezkatzeko. 1863ko ekainaren 20an entregatu zuten. 150. urteurrena dela eta, aurten Basilikako Cavaille-Coll Organoaren Lagunen Elkarteak hogei bat kontzertu antolatu ditu Donostiaren erreketa, suntsiketa eta berreraikuntzaren Bigarren Mendeaurrenaren oroitzapenerako programazioaren barne. Kontzertuaren egitaraua:
César FRANCK (1822-1890) konpositorearen lanen kontzertua:
– Pièce Héroïque……….. Loreto Aramendi
– Fantaisie in A major…. Ana Belén García
– Final…………………….. Alize Mendizabal
